आहा रारा गोल्डकप : हिमालयन शेर्पा क्वार्टरफाइनलमा

कास्की – पोखरामा चलिरहेको १७ औँ आहा रारा गोल्डकप फुटबल प्रतियोगितामा हिमालयन शेर्पा क्लब क्वाटरफाइनलमा प्रवेश गरेको छ ।

धरान फुटबल क्लबलाई १–० गोल अन्तरले हराउँदै हिमालयन शेर्पा अघि बढेको हो । खेलको पहिलो हाफ दुवैतर्फबाट गोलरहित बराबरी भएको खेलमा दोस्रो हाफमा हिमालयन शेर्पाका त्रिदेव गुरुङले गोल गरेका थिए ।

हिमालयन शेर्पा भन्दा फितलो खेल प्रदर्शन गरेको धरानको तर्फबाट कुनै गोल हुन सकेन । खेलको ७७ औँ मिनेटमा गोल गरी जित दिलाएका त्रिदेव गुरुङ नै म्यान अफ द म्याच घोषित भएका छन् ।

उनले नगद ५ हजारसहित ट्रफी प्राप्त गरे । शनिबारको खेल लिग विजेता मनाङ्ग मर्स्याङ दी र नेपाल एपीएफ बीच दिउँसो २ बजेपछिहुनेछ ।

शुक्रबार, फाल्गुन १०, २०७५ मा प्रकाशित खबर