बिहि, फाल्गुन १५, २०७६
Thu, February 27, 2020

संसदमा प्रधानमन्त्रीको सम्बोधन: एमसीसी पास गर्नुपर्ने छ, विस्तारमा पछि भनौंला


  • इन्द्रेणी समाज
  • प्रकाशित मिति : मङ्ल, माघ १४, २०७६


काठमाडौं माघ १४। प्रधानमन्त्री केपी शर्मा ओलीले संसदको चालू आर्थिक वर्षभित्रै अमेरिकाले गर्न लागेको अनुदान सहयोगअन्तर्गत मिलेनियम च्यालेन्ज कर्पोरेशन ९एमसीसी०सँगको सम्झौता पारित गर्नुपर्ने बताएका छन् । नयाँ सभामुख निर्वाचित भएपछि मंगलबार बसेको प्रतिनिधि सभाको पहिलो बैठकलाई सम्बोधन गर्दैै प्रधानमन्त्री ओलीले संसदको चालू अधिवेशनबाटै एमसीसी सम्झौता पारित गर्नुपर्ने बताएका हुन् ।

देश विकासको लागि गति बढाएर काम गर्नुपर्ने उल्लेख गरेका प्रधानमन्त्री ओलीले केही काममा विलम्व भएको स्वीकार गरे । ‘अलिकति विलम्व भएको छ, सभामुख चयनका विषयमा पनि । अब हामीले विलम्व गर्नु हुँदैन । संसद, सरकार सबैले तीव्र गतिमा हाम्रा काम अघि बढाउन जरुरी छ । नत्र हामी पछाडि पर्छौं,’ प्रधानमन्त्री ओलीले भने, ‘एमसीसी पारित गर्नु पर्नेछ, जसका सम्धन्बमा सविस्तार पछि भन्नेछु ।’

प्रधानमन्त्री ओलीले नवनिर्वाचित सभामुख अग्नि सापकोटाले नियमसंगत तथा मर्यादित ढंगले संसद चलाउन भूमिका खेल्ने अपेक्षा लिएको पनि बताए । उनले आफ्नो तर्फबाट सभा सञ्चालनमा पूर्ण सहयोग हुने समेत बताए । राजनीतिक आन्दोलनको चरण पार गरेर अहिलेको अवस्थामा आइपुगेको उल्लेख गर्दै प्रधानमन्त्री ओलीले भने, ‘देशलाई कसलाई अगाडि बढाउने सन्दर्भमा आजका प्राथमिकता के हुन्, आफ्ना काम र बिचारहरु केमा केन्द्रित हुनुपर्छ भन्ने कुरामा विचार गरेर अघि बढ्नुपर्छ भन्ने मैले देखेको छु । हाम्रो समाज पनि मेलमिलापयुक्त ढंगले अघि बढ्नेछ ।’

लोकतान्त्रिक तथा परिवर्तनकारी शक्तिहरु मिलेर अगाडि बढ्दा नै देशले महत्वपूर्ण उपलब्धि हासिल गरेको उल्लेख गर्दै प्रधानमन्त्री ओलीले अब पनि लोकतान्त्रिक तथा परिवर्तनकारी शक्तिहरु मिलेर जानुको विकल्प नभएको बताए ।

‘आईडीयोलोजिकल मतभेदमा अल्झेर सत्यभन्दा माथि अलमलिने कुरा राम्रो हुन्न । दुनिया तीव्र गतिमा अघि बढिरहेको छ । विकास, विज्ञान प्रविधि अनेक हिसाबले अघि बढेको छ । यसलाई पक्डिन सकेनौं भने समयले हामीलाई पर्खने छैन । सबैलाई मेरो आग्रह छ, आज हामी यस गतिलाई समाउन सकौं । विकासको यस गतिलाई समाउन सकौं । त्यसको नेतृत्व अहिलेको सरकारले गर्छ,’ प्रधानमन्त्री ओलीले भने, ‘संविधानको कार्यान्वयन र त्यअनुसारको कानून निर्माणमा सरकार प्रतिवद्ध छ । यतिबेला स–साना र अनावश्यक कुरामा अल्झिनु उपयुक्त हुँदैन ।’

प्रधानमन्त्री ओलीले आफूले केही दिन पछि संसदको समय लिएर वर्तमान राजनीतिको अवस्था र चर्चामा रहेका विभिन्न विषय र सरकारले गर्ने कामका सन्दर्भमा विस्तारमा आफ्नो दृष्टिकोण सार्वजनिक गर्ने पनि बताए ।


प्रतिक्रिया
सम्बन्धित समाचार
ताजा अपडेट
इन्द्रेणी समाज ||

सम्पर्क


+977-1-9841489835, +977-9849329319
[email protected]

सुचना बिभाग दर्ता नं. १७९५६९ – ०७४–७५
बुद्धनगर काठमाण्डौ,नेपाल

हाम्रो टिम


  • संयोजक / अध्यक्ष –कृष्ण कंडेल
    प्रधान- सम्पादक-दिपक घिमिरे
    सम्पादक-दिपक के.सी.
    व्यवस्थापक – भक्त ब देउवा

सामाजिक संजाल

© 2020 all right reserved to indrenisamaj.com | Site By : SobizTrend Technology